Siaran Pers

26 Désèmbèr 2012

 

Lapan Thôn Lheuh Tsunami

 

Asssalamu'alaikum wr.wb.

Bismillaahir Rahmaanir Rahiim...

Walanabluwan nakum bisjai-in minal khaufi wal djuu'i, wanaqshim minal amwaali wal-anfusi wats-tsamaraat. Wabasj-sjirish-shaabiriin. Alladhiina idhaa ashaabathum mushiibatun, qaaluu: Innaa lillaahi wainnaa ilaihi raadji'uun. Ulaa ika 'alahim shalawaatun min rabbihim wa rahmah. Wa ulaa ika humul muhtaduun.” (Al-Baqarah: 155-157)

Uroënjoë 26 Désèmbèr 2012, geunap lapan thôn musibah geumpa dan tsunami njang ka peuhantjô peuë-peuë njang na di nanggroë Atjèh; saboh malapeutaka njang paléng rajek njang ka peuguntjang dônja dan peuhantjô haté geutanjoë njang mantong hudép uroënjoë. Musibah geumpa dan tsunami njoë kadjeuët keu saboh tragedi nasional keu bansa Atjèh. Dalam padum-padum minet sagai meurutôh ribèë bansa teuh: inong-agam, thjik-putik, tuha-muda, kaja-gasiën ka djiba lé ië raja, meusigo deungon bandum hareuta boinahneuh: rumoh, muto dan laén-laénl lom. Allaahu akbar, Allaahu Akbar, Allaahu Akbar walillaahil Hamd...

Bansa Atjèh njang Mulia,

Uroënjoë, kamoë dari ASNLF, meuheut sambông silaturrahmi dan peutrôk saleuëm seudéh dan rôgha ukeuë bandum bansa Atjèh pat mantong ateuëh rhuëng dônja njoë. Bak uroë meuseudjarah njoë geutanjoë tapuduëk u geuniréng dilèë siat peuë mantong peukara njang pedjuôh/peutjré geutanjoë seusama aneuk bansa. Uroënjoë ta duëk siat ta-ingat dan takadji keulai udjoë njang ka Allah bri keu geutanjoë supaja geutanjoë bèk teukabô, udjôb dan teumeu'a watèë ka Neubri batjut nikmat dan rahmat Droëuneuh.

Dari surat Al-Baqarah, ajat 155-157 di ateuëh saknjoë djeulaih that Neupeutrang uléh Po Teuh bahwa musibah (tsunami) njan nakeuh saboh udjian atawa saboh peu-ingat Allah, khususdjih keu geutanjoë bansa Islam Atjèh, supaja geutanjoë sadar akan tanggông-djaweuëb geutanjoë deungon Po Teuh, supaja geutanjoë bèk lalè deungon kepentingan dônja meululu dan supaja geutanjoë tathèë droë-teuh batjut bahwa geutanjoë, hareuta seurta aneuk porumoh teuh dan peuë mantong njang paléng tasajang nakeuh milék Allah simata-mata. Dan padjan mantong Neukeuneuk tjok pulang, hana soë keumah tham dan halang, lagèë ka Neupeudeuh dalam musibah tsunami 8 thôn njang ka ulikôt.

Dalam Al-Quran le that kisah-kisah teuntang kekuasan Allah njang meusangkôt deungon musibah, leubèh-leubèh watèë buët asoë nanggroë njan ka meuradjalela that: watèë buët maksiët ka djeuët keu buët siuroë-uroë, watèë buët hareuëm dan Neutham kadjeuët keu biasa dan watèë buët beuna dan salah ka meulawok-lawok.

Keudjadian ië bah ateuëh kawôm Nabi Noh Alaihissalam; keudjadian ateuëh kawôm Fir'un bak masa Nabi Musa; ummat Nabi Luth; kawôm Aad dan Tsamud njang Neupeutren angèn badèë atawa angèn tofan. Allah hana Neupeutren bala keu ureuëng njang hana seumatéh mantong, teutapi Neu-udjoë tjit ureuëng njang djroh-djroh. Nabi-Nabi njang Po Teuh gaséh dan sajang hana luput tjit nibak keunong udjoë: lagèë nabi Yunus njang pajah grôp dalam laôt dan djipeuseulamat lé eungkot pawôh; nabi Zakaria dan Yahya, dan nabi Aiyub njang Neupeugasiën lheuëh Neupeukaja, Neubri matjam-matjam peunjakét. Dari keudjadian-keudjadian njoë keuh geutanjoë djeuët tatjok saboh 'itibar, tatjok keu peuladjaran, ta meurunoë bahwa musibah Neubri tjit keu ureuëng njang djroh-djroh njang Droëneuh sajang.

Bahpih meunan, na tjit njang peugah bahwa musibah tsunami njan nakeuh saboh murka atawa saboh hukôman nibak Po Teuh Allah keu bansa geutanjoë kareuna le that buët dhalém ka teudjadi di bumoë Atjèh, kareuna peundudôk Seuramoë Mekkah njan ka meuradjalela that, kareuna njang po peurintah di Atjèh seulamanjan nakeuh pihak-pihak njang na beudé bak djaroë, dan kebenaran na sabé bak TNI dan TNA bak masanjan. Seudangkan ureuëng-ureuëng malém, ureuëng njang djroh-djroh teumasôk ulama tuduëk bak sagoë dan hana pat peugah haba. Djadi njan keuh sabab mungkén Neupeutren bala ateuëh bansa Atjèh?

Peundapat njang lagèë njoë kon hana alasan tjit. Le ajat-ajat sutji njang peutunjok bahwa bala njan kajém Neupeutren ateuëh saboh-saboh bansa atawa kawôm njang ka laloë deungon peukateuën dônja dan ka tuwo keu hudép di akhirat. Dhaharal fasaadu fil barri wal bahri bimaa kasabat aidin naasi lijudhiija qahum ba'dhal ladhii 'amiluu la'allahum jardji'uunn” (Ar-Rum: 41)

Geutanjoë musti tapham bahwa musibahnjan nakeuh saboh sunnatullah njang hana saboh kuasa pih njang ék lawan ateuëh kheundak Droëneuhnjan. Dan apabila Neukheundak sipeuë-peuë dan Neukheun: ”kun” maka akibat djih handjeuëthan ”fa jakun”.

Uléh sababnjan, kamoë tawôk bak bandum bansa Atjèh njang teungoh laloë deungon harta, keuseunangan dan kekajaan njang meulimpah, hasé nibak buët-buët korupsi dan peungeut pèng rakjat, supaja gisa keulai bak buët njang butôi jôhgohlom bala Tuhan njang leubèh rajek lom akan teuka. Ingat peuë Neukheun uléh Po dalam surat Al-Humazah: “Tjeulaka keu tôkkang meu-upat dan peugah-peugah keu gob; njankeuh ureuëng-ureuëng njang peusapat hareuta dan gadôh bileuëng-bileuëng njan sabé. Djikira hareuta njang na bak djihnjan akan peugot djih han maté-maté lé”. Kon saga-sagai! Awaknjan bandum akan Neusumpom dalam nuraka Huthamah.....”.

Keu keuluarga njang mantong hudép supaja teutap saba dan tabah bak geuhadapi musibah njoë dan beuleubèh toë lom deungon Po Teuh Allah. Kareuna di balék musibah njan teukandông hikmah njang geutanjoë manusia han ék tapham. Bahwa Allah keuh sidroë teumpat geutanjoë lakèë tulông dan bak Droëneuhhnjan keuh geutanjoë seurah droë-teuh.”Hasbunallah wa ni'mal wakiil, ni'mal mawla wa ni'man nashiir” – Séb keu Allah njang peulindông kamoë dan Droëneuhnjan keuh sigot-got peulindông. Amin, Amin....

###

 

Siaran Pers

26 Desember 2012

 

Delapan Tahun Setelah Tsunami

 

Asssalamu'alaikum wr.wb.

Bismillaahir Rahmaanir Rahiim...

Walanabluwan nakum bisyai-in minal khaufi wal juu'i, wanaqshim minal amwaali wal-anfusi wats-tsamaraat. Wabasy-syirish-shaabiriin. Alladhiina idhaa ashaabathum mushiibatun, qaaluu: Innaa lillaahi wainnaa ilaihi raaji'uun. Ulaa ika 'alahim shalawaatun min rabbihim wa rahmah. Wa ulaa ika humul muhtaduun.” (Al-Baqarah: 155-157)

Hari ini, 26 Desember 2012, genap delapan tahun sudah musibah gempa dan tsunami meluluh-lantakkan bumi Aceh. Malapetaka yang sangat dahsyat tersebut telah mengguncang dunia dan telah pula menyayatkan luka yang sangat mendalam di hati kita semua. Musibah ini tentunya merupakan tragedi nasional bagi bangsa Aceh. Hanya dalam hitungan menit saja, petaka tersebut telah mengakibatkan ratusan ribu jiwa bangsa kita, lelaki-wanita, tua-muda, kaya-miskin, menjadi korban gelombang raksasa bersama seluruh harta benda mereka: rumah, kendaraan bermotor dan lain sebagainya. Allahu akbar, Allaahu Akbar, Allaahu Akbar walillaahil Hamd...

Bansa Aceh yang Mulia,

Hari ini, kami dari ASNLF bermaksud untuk menyambung tali silaturahmi serta menyampaikan duka cita yang paling mendalam kepada seluruh bangsa Aceh di mana saja berada. Pada hari bersejarah ini, kami menghimbau agar kita mengesampingkan semua perbedaan yang mungkin ada dan berpotensi untuk memecahbelahkan sesama anak bangsa. Hari ini, marilah kita tunduk sejenak untuk mengingat dan mengkaji kembali ujian yang telah Allah berikan, agar kita tidak menjadi manusia-manusia yang takabur tatkala Ia telah memberikan sedikit nikmat dan rahmat-Nya kepada kita semua.

Dari surat Al-Baqarah, ayat 155-157, yang disebutkan di atas, dengan sangat jelas Allah telah menerangkan bahwa suatu musibah, seperti tragedi tsunami, adalah ujian serta peringatan dari-Nya - dalam hal ini khususnya bagi kita bangsa Islam Aceh - agar kita sadar akan tanggung jawab terhadap sang Pencipta; agar kita tidak disibukkan hanya dengan kepentingan dunia saja; dan supaya kita menyadari bahwa diri, harta, dan anak-istri kita, serta segala sesuatu yang kita sayang adalah milik Allah semata. Kapan pun Ia berkehendak untuk mengambilnya kembali, maka tidak ada seorang pun yang mampu mencegah dan menghalang - seperti yang terjadi pada musibah tsunami delapan tahun yang lalu.

Di dalam Al-Quran terdapat banyak sekali kisah-kisah kekuasaan Allah menyangkut musibah. Terutama, di kala perbuatan maksiat sudah menjadi pekerjaan sehari-hari penghuni negeri yang dimaksud, dan perbuatan yang dilarang sudah menjadi kebiasaan, sehingga antara benar dan salah pun sudah tercampur baur. Contoh kejadiannya adalah: bencana air bah atas kaum Nabi Nuh a.s., dan musibah atas kaum Fir’aun pada zaman Nabi Musa a.s. Namun Allah tidak pula menurunkan bala hanya kepada orang-orang yang tidak beriman saja, melainkan Ia juga menguji mereka yang bertakwa. Bahkan Nabi-Nabi yang dikasih dan sayangi-Nya pun tidak luput dari ujian, seperti dalam kisah Nabi Yunus yang terpaksa melompat ke laut dan akhirnya diselamatkan oleh ikan paus, dan juga pada kisah musibah Nabi Zakaria yang kehilangan harta. Kisah-kisah ini ditujukan agar kita dapat mengambil i’tibar dan pelajaran, serta agar kita mengetahui bahwa musibah juga diturunkan kepada orang-orang yang sayangi-Nya.

Walaupun demikian, ada pula orang yang berpendapat bahwa musibah tsunami itu adalah murka dan juga hukuman Allah terhadap bangsa kita akibat dari maraknya perbuatan zalim yang berlaku di bumi Aceh, karena penduduk Serambi Mekah ini telah terlalu meraja lela, dan karena yang memegang perintah di Aceh di masa itu adalah pihak-pihak bersenjata, sehingga kebenaran selalu memihak pada TNI dan TNA. Sementara kaum cerdik pandai, orang-orang bijak, termasuk pula alim-ulama, hanya bisa duduk terpojok dan tak mampu bersuara. Maka mungkin kah hal tersebut yang mengakibatkan diturunkannya bala kepada bansa Aceh?

Pendapat ini bukan tidak ada beralasan, karena banyak ayat-ayat suci yang menunjukkan bahwa musibah sering juga terjadi terhadap kaum-kaum yang bergelimang perhiasan dunia dan sudah lupa kepada akhirat. “Dhaharal fasaadu fil barri wal bahri bimaa kasabat aidin naasi liyudhiya qahum ba’dhal ladhii ‘amiluu la’allahum yarji’uun” (Ar-Rum: 44)

Kita musti memahami bahwa musibah itu merupakan sunnatullah, dimana tidak ada kekuatan apapun yang dapat melawan kehendak-Nya. Dan apabila Allah berkehendak akan sesuatu, maka hanya dengan mengatakan “kun” tidak-boleh-tidak akan mengakibatkan “fa yakun”.

Oleh karena itu, kami menyerukan kepada bangsa Aceh, khususnya kepada siapa saja yang sedang disibukkan dengan harta, kesenangan, dan kekayaan yang melimpah, dari hasil korupsi dan penyelewengan hak-hak rakyat, agar sudi kembali ke jalan yang benar, sebelum bala yang lebih dahsyat tiba. Ingat lah peringatan Allah dalam surat Al-Humazah: “Celaka lah bagi orang-orang yang mengumpat dan mencaci; itu lah orang-orang yang mengumpul harta dan menghitung-hitung nya. Mereka mengira bahwa harta yang ada pada nya akan bisa mengekalkannya. Sekali-kali tidak! Mereka-mereka itu akan dilemparkan ke dalam neraka Huthamah....”

Sementara itu, kepada sanak keluarga korban tsunami, dengan penuh keikhlasan kami mendoakan supaya tetap memiliki kesabaran dan ketabahan dalam menghadapi musibah ini, dan supaya dapat lebih mendekatkan diri dengan Yang Maha Kuasa. Sebab, dibalik setiap musibah itu terkandung banyak hikmah yang kita, sebagai manusia biasa, tidak sanggup memahami. Hanya Allah-lah tempat kita meminta pertolongan dan hanya kehadapan-Nya kita berserah diri. “Hasbunallah wa ni’mal wakiil, ni’mal maulaa wa ni’man nashiir “- Cukup lah Allah yang melindungi kami dan Allah jua lah sebaik-baik pelindung. Amin, Amin....

###

Untuk informasi lebih lanjut, silahkan menghubungi:

Madinatul Fajar, Ketua Sekretariat ASNLF

Email: madinatul.fajar@gmail.com